ကျနော် မြင်တာကို၎င်း၊ တွေ့တာကို၎င်း၊ သိတာကို၎င်း၊ မြင်သူတွေကတဆင့် သေသေချာချာ ကြားတာကြောင့် ပွင့်ပွင့်လင်းလင်း ရေးလိုက်တာပါ။ စကားထောက်၊ စကားကျန်၊ စာကျန်ရင် ပြင်ဖတ်ပေးဖို့နဲ့ မရည်ရွယ်ပဲ ထိခိုက်ရေးသားမိတာတွေပါရှိခဲ့ရင် နားလည်ပေးဖို့ တောင်းပန်ပါတယ်။

အထူးသဖြင့်၊ ပြည်တွင်းက တိုင်းရင်းသား မြန်မာလူမျိုးအားလုံးကို မေးသင့်သလို၊ ပို၍ ထပ်ပြီးမေးသင့်သည်မှာ ပြည်ပနဲ့ပြည်တွင်း က ဒီမိုကရေစီ ဘက်တော်သားတွေ၊ ခေါင်းဆောင်ကြီးများတွေ၊ လေလှိုင်းတွေပေါ်မှာ မိုးလုံးထွားစွာ ပြောနေသောသူတွေ၊ ဆင်ဖမ်းမယ်၊ ကျားဖမ်းမယ် ဆိုသောသူတွေကော၊ အရင်ကတော့ ဘာဖြစ်တယ် ဘာဖြစ်တယ်ဆိုပြီး အခုတော့ ရ၅% ဘဲ ရတာလေးကိုဘဲယူပြီး ရသလောက် နေရာလေးဝင်ထိုင်ချင် သောသူတွေရယ်၊ ပြည်သူတွေဆန္ဒဘဲ ဆိုပြီး ပြည်သူကို အမြဲတမ်းခေါင်း ပြန်တင်ကာ စကားလှလှလေးသုံးပြီးတော့ ကိုယ်မနာရင်ပြီးရော ဆိုသော ခေါင်းဆောင်ကြီးတွေကို ပြည်သူ တစ်ယောက်အနေနဲ့ပြတ်ပြတ် သားသား မေးရတော့မဲ့အချိန်ကိုရောက်ပါပြီ။

ဘာလို့လည်းဆိုတော့မြန်မာနိုင်ငံပြည်တွင်းတွင် နေထိုင်သော တိုင်းရင်းသားတွေကို မြန်မာတပါတီ အာဏာရှင်စနစ်ကို မကြိုက်လို့၊ ကြိုးနီစနစ် ကိုင် တွယ်တာကို လုံးဝလက်မခံနိုင်ဘူး ဆိုတာရယ်၊ လွတ်လပ်ခြင်း၊ တရားမျှတခြင်း၊ ညီမျှခြင်း၊ ဥပဒေစိုးမိုးခြင်း။ တို့အခြေခံပြီး ပြည်သူကတင်မြှောက်သော ဖက်ဒရယ် ပြည်ထောင်စုအစိုးရပေါ်ပေါက်ရန် ၁၉၉၀ ပြည့်နှစ်က မဲပေးတင်မြှောက်ပေးထားပြီးပါပြီ၊ ပထမဦး ဆုံးသောပြည်သူတွေ လုပ် ဆောင်ရသောအပိုင်းတာဝန်ကို ကျေပြွန်စွာဆောင်ရွက်ခဲ့ပြီးပါပြီ။ တာဝန် ကျေခဲ့ပြီးပါပြီ။

ဒီမိုကရေစီအစိုးရကို လိုချင်လွန်းလို့ယနေ့ထိ စစ်အစိုးရရဲ့စနစ်တကျ နှိပ်ကွပ်ဖိနှိပ်ခြင်းအောက်မှာ အံကြိတ်ခံရင်းအနှစ် ၂၀ တိတိခံလာရတာတောင်၊ ကျွန်တော်တို့တင်မြှောက်ထားသော ပြည်တွင်းကကိုယ်စားလှယ်တွေ၊ ပြည်ပကကျွန်တော်တို့ရဲ့ခေါင်းဆောင်တွေကဘာလို့ ပြတ်သားသော၊ နောက်ဆက်တွဲကို မရှိနိုင်သော အခင်းအကျင်း၊ တိုက်ပွဲကိုဘာလို့ မလုပ်နိုင်ကြတာလည်း ဆိုတာကိုပါ။ ဘာလို့ပြတ်ပြတ် သားစကားလုံးနဲ့၊ ဘာပြီးရင်ဘာဆက်လုပ်မယ်၊ ဘာမဖြစ်ရင် ဘာလုပ်မယ်၊ ဘယ်လို့ကြေငြာပြီး မလုပ်နိုင်ရတာလည်း၊

ပြည်သူကဘယ်သူကို ခေါင်းဆောင်တင်ပြီး၊ ဘယ်သူ့စကားကို ယုံကြည်ပြီးလိုက်ရမှာလည်း။ ပြောကြပါအုံး။ ပြည်သူက ကန့်ကွက်မဲပေးပြီ ဆိုပါတော့၊ ကျွန်တော်တို့တိုက်ပွဲက ပြီးသွားပြီလား၊ ဘယ်နှစ်နှစ်အတွင်း ဒီမိုကရေစီရမှာလည်း၊ ပြောပါ။ ဒီလိုမေးတာက ပြည်သူအများစုရဲ့ တကယ့်ရင်တွင်းမှာက စစ်အစိုး ရက လုပ်သောဆန္ဒခံယူပွဲကြီးကို လည်းလုံးဝမဖြစ်မြောက်စေချင်သလို၊ အခြေခံဥပဒေကြီးကိုလည်း လုံးဝသဘောမတူဘူး ဆိုတာကိုတော့သိထားပါလို့ ပြောပါရ စေ ...။ ဘာလို့ဒီ ဆန္ဒခံယူပွဲကြီးကို မဖြစ်မြောက်အောင် လုပ်ဆောင်ကြ၊ ကန့်ကွက်ကြ၊ တော်လှန်ကြ ကျွန်တော်တို့အားလုံးလည်း ပြည်သူရှေ့မှာ အခုပြောတဲ့ အချိန်ကစပြီးရှိတယ်၊ ကျွန်တော်တို့ကိုယ်တိုင် ပြတ်ပြတ်သားသား တွန်းလှန်တယ်ဆိုသော အကြမ်းမဖက်သော ပြည်လုံးကျွတ်ဆန္ဒပြပွဲကြီး လုပ်ပြီဆိုတာတောင် မကြေငြာရဲတော့ ဘူးလား။

မြန်မာနိုင်ငံက အနှစ် ၆၀ ကျော်ကြာရှည်လျားဆိုးဝါးလှတဲ့ ပြည်တွင်းစစ်များ အလွန်၊ အကြမ်းဖက်ဝါဒများ ခေတ်စားလာနေတဲ့ ဒီကနေ့ကမ္ဘာမှာ ကျနော်တို့ဘက်က အကြမ်းမဖက် အနုနည်းသက်သက်နဲ့သာ စစ်အာဏာရှင်တွေကို တောက်လျှောက် ဆန့်ကျင်လာခဲ့တာပါ။ ဘယ်နှစ်ခါကများ စစ်တပ် ကတိ တည်တာကို ရှိခဲ့ဘူးလည်း၊ ပြောရင်ပြောသလို၊ ဂတိက၀တ်ကိုကျေတယ်ဆိုတာ ဘယ်မှာရှိသလည်း၊ သူတို့ကိုယ်တိုင် ရေးပြီး၊ ပြည်သူကို လိုက်လံချပြ စည်းရုံးရေး ခဲ့သော မြန်မာ့ဆိုရှယ်လစ် အခြေခံဥပဒေကြီးကိုတောင်၊ စာအုပ်ထဲကတခြား၊ အပြင်လက်တွေ့က တခြားလုပ်ဆောင်ခဲ့ကြတာ၊ ပြည်သူကို ဘာကိုမက်လုံးတွေ၊ မဟာနိုင်ငံရေးအဘိဓါန် တွေပြောပြီး၊ ဘာလို့ဒုက္ခ ခဏခဏပေးချင်ရတာလည်း ဆိုတာကိုလည်း သတိပြုကြပါအုံးခင်ဗျား။

အားလုံးလဲ ပြတ်ပြတ်သားသား မေးရတော့မယ့် အခြေအနေအချိန်အခါ ကျရောက်နေပြီဖြစ်လို့ပါ။ မပြတ်သားရင်တော့ ကျနော်တို့မပြီးနိုင်သော ပန်းချီကားကြီးကို ရေးဆွဲသွားကြရတော့မှာဖြစ်ပြီး ပြည်သူတွေကြားထဲ ယခုထက်ပိုဆိုးဝါးတဲ့ အထွေထွေကြပ်တည်းမှုတွေ၊ ဆုံးရှုံးမှုတွေ၊ အကျင့်ပျက် လုယက် တိုက်ခိုက်မှုတွေနဲ့ ဖြေရှင်းမနိုင်အောင် ဆက်လက်ပြီး ရင်ဆိုင်သွားကြရတော့မယ်ဆိုတာ မြေကြီး လက်ခတ် မလွဲပါဘူး။

ဒီလာမယ့် ဆန္ဒမဲပေးပွဲဟာ ဘယ်လိုရလဒ်တွေပဲထွက်ထွက် အများပြည်သူအဆင့်ထိ ပြန့်နှံ့သွားပြီဖြစ်တဲ့ တရားလက်လွတ် ဓါးမိုးအုပ်ချုပ်မှုနဲ့ အနိုင် ကျင့်စော်ကားမှု အဓမ္မစရိုက်တွေက အကြမ်းဖက်တိုက်ခိုက်မှုတွေဆီ ဦးတည်နေပြီဖြစ်ပါတယ်။ မနင်းရင်တော့ အနင်းခံရမှာပဲဆိုတဲ့အသိနဲ့ အားထားလုံခြုံရာဥပဒေ အစောင့်အရှောက်ကင်းမဲ့မှုတွေက ပြည်သူကိုချောင်ပိတ် အရိုက်ခံနေရတဲ့ ခွေးတွေပမာ ခံစားလာစေရလိမ့်မှာဖြစ်သလို၊ ဘယ်ကမှ အကာအကွယ်မရနိုင်ရှာတဲ့ အဲဒီပြည်သူတွေရဲ့ဘဝက စစ်အာဏာရှင်တစုနဲ့ သူတို့ရဲ့နောက်လိုက်တွေ ပြုသမျှနုရတော့မယ့်အခြေကို လုံးလုံးလျားလျား ဆိုက်ရောက်သွားတော့မှာပါ။ လက်ရှိ အင်အယ်ဒီအဖွဲ့ဝင်တွေနဲ့ ဒီမိုကရေစီဘက်တော်သားတွေကို အနိုင်ကျင့်ရိုက်နှက်ပြပြီးတော့ ပေးနေတဲ့သတိကိုက ပြည်သူတွေနင်းမှာလား အနင်းခံမှာလား ဆိုတာ ပါ။

တကယ်တမ်းတော့ အများပြည်သူမလိုလားတဲ့ နအဖဘက်က သူ့ဖွဲ့စည်းပုံအဆင့်ဆင့်နဲ့ စနစ်တကျ သူဖြစ်ချင်တာ သူလုပ်ယူ ဖန်တီးသွားနေခဲ့တာ အရာရာအောင်မြင် ပြီးမြောက်လုပြီဖြစ်ပါတယ်။ တရားတယ် မတရားဘူးဆိုတာထက် အနိုင်အရှုံး အဖြေကရလဒ်ကို ဦးဆောင်သွားတော့မယ့် အချိန်မှာ ဘယ်သူမှ ဘာမှမတတ် နိုင်ကြတော့တာဟာ အမြင်အားဖြင့်ကို ရှုံးနေပါပြီ။

အဲဒီအဖြေထွက်တဲ့အထိ စောင့်ကြည့်မနေသင့်တော့တဲ့ အချိန်မှာ နိုင်ငံရေးအခင်းအကျင်းတွေ၊ သုံးသပ်ချက်အလှည့်အပြောင်းတွေ၊ သံတမန်ရေးရာ နည်းလမ်းတွေ၊ ဒေသတွင်းပါဝင်ပတ်သက်မှုတွေ၊ နိုင်ငံတကာ စာနာမှုတွေ အားလုံးကို ခေတ္တခဏဘေးဖယ်ထားပြီး ကိုယ့်နိုင်ငံရဲ့ ပြည်တွင်းရေးကို ကိုယ်တိုင်ကိုယ်ကျပါဝင်ဖို့ လိုပါတယ်။

ကန့်ကွက်မဲဝင်ထည့်ပြန်ရင်လဲ နအဖရဲ့လုပ်ရပ်ကို အသိအမှတ်ပြုပြီးသားဖြစ်သွားမယ်။ မဲမပေးပဲ နေမယ်ဆိုရင်လဲ ရသမျှနဲ့ အနိုင်ပိုင်းသွားတာခံရ မယ်။ ရှုံးရှုံးနိုင်နိုင် နအဖဘက်က အုပ်စုဗိုလ်အနေနဲ့ အသာစီးက ဆက်ကစားလို့ ရသွားတော့မယ့် အခြေအနေမှာ၊ ဒီပွဲက ကန့်ကွက်တာမဲများခဲ့ရင် အခြေခံဥပဒေ အတည်မဖြစ်နိုင်တော့တဲ့အတွက် အမျိုးသားညီလာခံကို ပျော်ပျော်ကြီးပဲပြန်လည်စတင် ကျင်းပသွားဦးမှာဖြစ်ပြီး မဲဝိုင်းထည့်တဲ့ ပြည်သူတွေရဲ့ အသိအမှတ်ပြုမှုတို့ အရ အဲဒီညီလာခံကို သပိတ်မှောက်ထားတဲ့ အင်အယ်ဒီအနေနဲ့ နအဖစိတ်ကြိုက် ခင်းကျင်းထားတဲ့ အမျိုးသားညီလာခံအခြေပြု အနာဂတ်နိုင်ငံရေးလမ်းစဉ်မှာ လမ်းဘေးကို ရောက်သွားရပါလိမ့်မယ်။ ဒါက တချက်ခုတ်နှစ်ချက်ပြတ် အင်အယ်ဒီကို မြောင်းထဲပို့နေတာပါ။

ကလိမ်ကကျစ်ကျပြီး ထောက်ခံမဲတွေအရ လမ်းညွှန်မြေပုံခုနှစ်ဆင့်အတိုင်း နောက်နှစ်နှစ်အကြာမှာ ပါတီစုံဒီမိုကရေစီရွေးကောက်ပွဲကြီး ဝှဲချီးကျင်းပ ခွင့်ရသွားလိုက်ပြီဆိုရင်တော့ အတိုင်းထက်အလွန် တံခွန်ထက်ကုက္ကား နအဖများဘက်က လက်ခမောင်းခတ်ကြတော့ဖို့ပါပဲ။

၁၉၉၀ပြည့်နှစ် ရွေးကောက်ပွဲရလဒ်က လုံးဝဥဿုံပျက်ပြယ်ပြီး ကြံ့ဖွံ့က နအဖလိုလားတဲ့ ဦးဆောင်ပါတီကြီး တခုအဖြစ်နဲ့ အမျိုးသားညီလာခံကတ ဆင့် အဲဒီအခြေခံဥပဒေ လူလားမြောက်အောင် နအဖနဲ့ အတူလက်တွဲ ဝိုင်းကူဆွဲပေးခဲ့တဲ့ တစညအပါအဝင် တိုင်းရင်းသားပါတီတွေ ခြံရံထွက်လာပြီးတော့ တကြော့ပြန် လက်ရှိ ချန်ပီယံ အင်အယ်ဒီနဲ့ အားစမ်းပွဲလုပ်မလား။

အဲဒီ လမ်းညွှန်မြေပုံခုနှစ်ချက်အရပဲ ကုလသမဂ္ဂအပါအဝင် နိုင်ငံတကာနဲ့ အခင်းအကျင်းက လှသွားလိုက်တော့ ရှေ့ဆက်တိုင်းပြည်ရဲ့ အနာဂတ်က အင်ဒိုနီးရှားနဲ့ မြောက်ကိုရီးယား အမွှာပူးကလေးဖြစ်လာမယ်။ လိင်ဖျော်ဖြေရေးအလုပ်သမတွေ အပါအဝင် လူသားအရင်းအမြစ်တွေ အမြောက်အမြားထုတ်လုပ် ပေးလာမယ့် နိုင်ငံတခုကို အိမ်နီချင်းနိုင်ငံတွေက ဝမ်းသာအားရ လက်ကမ်းကြိုဆိုနေကြမှာပါ။

စစ်အာဏာရှင် စနစ်ဆိုးအောက်က လွတ်မြောက်လိုသူတိုင်းနဲ့ လွတ်မြောက်စေလိုသူတိုင်း ငါလုပ်မှ၊ ငါပြောမှ၊ ငါကြံခါမှဟုတ်မှန်အောင်မြင်ရမယ် ဆိုတဲ့ အထွေထွေအတ္တတွေထဲက လွန်မြောက်နိုင်ဖို့ အရေးကြီးလိမ့်မယ်ထင်ပါတယ်။ နောက်ပြီး ပြိုင်တူတွန်းလျှင် ရွေ့နိုင်ပါသည်ဆိုပေမယ့် အခြားတဖက်မှာ တော့ ဦးတည်ရာညွှန်ရပ်တွေက တကွဲတပြားဖြစ်နေတာကို တွေ့ရလိမ့်မယ်။ ဘယ်ကိုတွန်းမှာလဲ၊ ဘယ်အထိရောက်အောင် တွန်းရမှာလဲဆိုတာ ဥပဒေကဲ့သို့ အာ ဏာတည်သော အမိန့်မျိုးမဟုတ်တဲ့အတွက်ကြောင့် ရွေ့ချင်ရွေ့ ရွေ့ချင်မှလဲရွေ့ ဘယ်တော့မှလဲမရွေ့နဲ့ပဲ တော်လှန်ရေးတိုက်ပွဲအစား ပရိုပိုဆယ်လိုက်ပွဲကလေး နဲ့ ကျေနပ်သွားကြတော့မလား။

နိုင်ငံတကာရဲ့ အသိအမှတ်ပြုခံရမှုများစွာတွေက ဖေါ်ကျူးစာဖွဲ့ မကုန်နိုင်အောင်ပါပဲ။ အသိအမှတ်ပြုခံလိုခြင်းဆိုတာ သာမန်လူသားတိုင်းရဲ့ ကိုယ်စီ အတ္တလို့ဆိုပေမယ့် အများအကျိုးနဲ့သက်ဆိုင်တဲ့ လုပ်ငန်းရပ်တွေမှာတော့ လူလားမမြောက်သေးတဲ့ ကလေးကလားဆန်ဆန် ခံယူချက်မျိုးလို့လဲ စိတ်ပညာရှု ထောင့်က အဓိပ္ပယ်တမျိုး ဖွင့်ဆိုပြန်တာမို့ ဘုရားရှင်နဲ့ အရိယာသူတော်စင်များမှလွဲရင် ဗိုလ်ချုပ်အောင်ဆန်းတို့လို အာဇာနည်မျိုးတွေမှာသာ အဲဒီအတ္တက ကင်း လွတ်နိုင်ကြတာပါ။ အဲဒီ ပုဂ္ဂိုလ်မျိုးတွေဟာ ခေတ်သမိုင်းအဆက်ဆက် ဘယ်တော့မှလဲ သတ်၍မသေတဲ့ လူစွမ်းကောင်းများ ဖြစ်ကြပါတယ်။

ကျွန်တော်တို့ခတိုင်းရင်းသားပြည်သူတွေ ယုံကြည်တာကတော့ အကျယ်ချုပ် ကျထားသောဒေါ်အောင်ဆန်းစုကြည်၊ ဦးတင်ဦးနဲ့ထောင်ထဲ ရောက်နေ သော ဦးဝင်းတင်နဲ့ နိုင်ငံရေးခေါင်းဆောင်တွေ၊ ကျောင်းသားခေါင်းဆောင်တွေသာလျှင် ပြည်သုကိုပြတ်သားသောစကား၊ ဘာလုပ်တော့၊ ဘာလုပ်ရမယ်ဆိုတာကို ပြောရဲလုပ်ရဲသောသူတွေ ဖြစ်ပြီး၊ ပြည်သူတွေနဲ့တသားတည်း ရှေ့ကနေဦးဆောင် သူုတွေဆိုတာတွေပါဘဲ။ သူတို့ကသာ အပြောနဲ့အလုပ်ကို တထပ်တည်း ကျ အောင်လုပ်ခဲ့သော၊ လုပ်သွားသော၊ နောင်လည်း ဆက်လုပ်မယ်ဆိုတာကို ယုံကြည်ပါတယ်။ ဒါကြောင့်လည်း စစ်အစိုးရကသူတို့ကို ထိန်းသိမ်းထားတာက ပြန်မလွတ်တာပါ၊

သို့ပေမဲ့ ကျွန်တော်တို့ရဲ့ အထဲကိုရောက်သော၊ အထိန်းသိမ်းခံရသော၊ အကျယ်ချုပ်ကြခံရသော သူတွေမသိခဲ့သောအချက်က သူတို့လောက် တောင် ကျန်သုတွေက ပြည်တွင်းမှာရော၊ ပြည်ပမှာ မလုပ်ရဲ မပြတ်သားရဲကြရတာရယ်၊ ပြည်သူကိုဦးဆောင်နိုင်မှု မပေးနိုင်ဘူးဆိုတာကို အနှစ် ၂၀ ထိထိ သေ သေချာချာ သဲသဲကွဲကွဲ မသိရသေးလို ဆိုတာကိုကျွန်တော်တို့ပြည်သူတွေဝမ်းနည်းစွာ ယခုတွေ့ကြရတာပါ။

အခုက ပြည်တွင်းကရော၊ ပြည်ပကဆရာတွေကကော လုပ်နေသော အလုပ်ကိုမြင်သည်မှာတော တိုက်ပွဲဝင်မည် ဟုအော်ရင်း။ လိုက်ပွဲများပါ ၀ိုင်း ပြင်နေတာကို တွေ့မြင်နေရတာကလည်း မြင်တွေ့ရပါတယ်။

တကယ်တန်း ဖြစ်သင့်တာကတော့ အာဇာနည်မျိုး သေရိုးမရှိ လို့ဆိုပါတယ်။

တိုက်ပွဲကိုပြတ်ပြတ်သားသား ဝင်မှာလား။ ဒါမှမဟုတ်ရင် လိုက်ပွဲတွေကို ၀ိုင်းပြီးတော့ ပြင်မှာလား။

စိုင်းမွန်၊

ရက်စွဲ ၊ ၉ရက် ဧပြီလ ၂၀၀၈

8:09 AM
Categories: Author: မာန်လက်